عدد الرسائل : 2 العمر : 94 السٌّمعَة : 0 تاريخ التسجيل : 13/02/2009
موضوع: زى النخيل .. قصيدة شعر عامية السبت 14 فبراير 2009, 4:26 am
سنين بتمر وسنين بعديها وادور على نفسى مالاقيها العيب فى نفسى ولا الدنيا إيه فيها عمرى ما سلم ولا اطاطى ولا اقول أيام وأقضيها زى النخيل هاموت واقف وتفضل فى السما راسى باصص أوى ليها ولو يقتلنى العطش ما سعى حتى لشربة المية ولو روح الحياه فيها الرزق مقسوم..والقضى معلوم ربك قضى من يوم بدا ولحد ساعه معلومه تتلم البشر فيها بنفخة صور تهز جبال وتطوى بحور وأضعف حاجه هو احنا والأرض اللى ياما عافينا وفيها مشينا وهزينا وهبينا ودوسنا عليها هانرجع ليها ونتساوى فى يوم بيها بس المهم النفس لو حيه نعرف قدرها ونصونها واللى خلقها كرمها ومن روحه نفخ فيها لا تنافق ولا تكدب ولاتسرق ولا تنهب ولا تنحنى لمملوك ولا يخدعوك و يوهموك أن الخلايق خلايق عبيد وملوك عبيد وبس للى خلق نفسك وعلاها وانت كمان ارفعها وعليها وقول كلمة الحق حتى القلم لو ينساب ع الورق سيبه يقول لأ يشرخ بصوته جدار الحق بكلمة صدق عيش فيها واملا دنيتك من خيرك بكلمة حق زى النخيل لما تطرح شامخه و عالية الهامه وخيرها يروح للكل حتى اللى برميها ولو تتألم ماتشكى ولاتنظر تحتها وتبكى شكونها لباريها ولو ماتت ماتنحنى ولا تنهزم ولا تنثنى هى كده شامخه تعيش تموت شكل الحياه فيها لو قطعوها ومزعوها .. أو يحرقوها وتصير رماد خيرها اللى سابق يكفيها مش كتير تكون انت زى النخيل وانت بقدرة ربنا قدرت تزرعها وانت اللى ساقيها
السبت 14 فبراير 2009, 4:26 am
